Suna Hai Log Usy Aankh Bhar Kay Daikhty Hain

Suna Hai Log Usy Aankh Bhar Kay Daikhty Hain

So Uskey Shehr Main Thehr Kay Daikhty Hain

Suna Hai Boly To Baatoon Se Phool Jharty Hain

Yeh Baaat Hai To Chalo Baaat Kar Kay Dakhty Hain

Suna Hai Rabt Hai Usko Khrab Haaloon Se

So Apny Aap Ko Barbaad Kar K Daikhty Hain

Suna Hai Din Ko Usy Titliyaan Stati Hain

Suna Hai Raat Ko Jugnu Thehr Kay Daikhty Hain

Suna Hai Us Kay Badan Ki Tarash Aisi Hai

Kay Phool Apni Qabaaien  Qatar Kay Daikhty Hain

Suna Hai Dard Ki Gahak Hai Chashm E Naaz Uski

So Hum Bhi Uski Gali Se Guzar Kay Daikhty Hain

Suna Hai Usko Bhi Hai Shair O Shaairi Se Shaghaf

So Hum Bhi Mojzay Apny Hunar Kay Daikhty Hain

Suna Hai Hashar Hain Uski Ghazaal Si Aankhien

Suna Hai Usko Heran Dasht Bhar Kay Daikhty Hain

Suna Hai Uski Siyaah Chashm Hi Qayamat Hai

So Usko Surma Faroosh Aah Bhar Kay Daikhty Hain

Suna Hai Raat Usy Chand Takta Rehta Hai

Sitaary Baam E Falak Se Utter Kar Daikhty Hain

Suna Hai Raat Se Barh Kay Hain Qaaklien Uski

Suna Hai Shaam Ko Saaye Guzar Kay Daikhty Hain

Suna Hai Us Kay Laboon Se Gulaab Jalty Hain

So Hum Bahar Par Ilzaam Dhar Kay Daikhty Hain

Suna Hai Uskey Shabistaan Se  Muttasil Hai Bahesht

Makien Udher Kay Bhi Jalway Idher Kay Daikhty Hain

Suna Hai Aaina Tamsaal Hai Jabien Uski

Jo Sada Dil Hain Usay Ban Sanwar Kay Daikhty Hain

Suna Hai Jab Se Hamaail Hain Uski Gardan Main

Mizaaj Or Hi Laal O Gohar Kay Daikhty Hain

Suna Hai Chashm E Tasawur Se Dasht E ImKaan Main

Palang Zaaviye Uski Qamar Kay Daikhty Hain

Rukay To Gardishien Uska Taqaaf Karti Hain

Chaly To Usko Zamany Thehr Kay Daikhty Hain

Bus Ik Nigaah Se Lutta Hai Qaaflaa Dil Ka

So Raah Raawaan E Tamanna Bhi Dar Kay Daikhty Hain

Kahaniyan Hi Sahi Sab Mubalghy Hi Sahi

Agar Wo Khwab Hai Taabeer Kar Kay Daikhty Hain

Wo Saru Qad Hai Magar Be Gull E Muraad Nahi

K Us Shajar Py Shagoofy Samar Kay Daikhty Hain
 

Ab Us Kay Shehr Main Thehrien Kay Qooch Kar Jaien

Faraz

Aao Sitary Safar Kay Daikhty Hain

Ab Us Kay Shehr Main Thehrien Kay Qooch Kar Jaien

Faraz

Aao Sitary Safar Kay Daikhty Hain

Suna Hai Log Usy Aankh Bhar Kay Daikhty Hain

So Uskey Shehr Main Thehr Kay Daikhty Hain