Suno !!! Aye Chand Si Larki

Suno !!!
Aye Chand Si Larki
Abhi Tum Titiliyan Pakro 
Ya Phir Gurriyoon Se Khailo Tum 
Ya Phir Masoom Si Aankhon Se 
Dheron Khuwaab Daikho Tum 
Faraz O Faiz O Mohsin Ki Kitabeen Mat Abhi Parhna 
Ye Sab Lafzoo Kay Shaiir Hain 
Tumhein Uljha Kay Rakh Dain Gy
Tumhein Maloom Hi Kab Hai 
Muhabbat Kay Libady Main
Hawas O Hirs Hoti Hai
Ye Insaano Ki Duniya Hai 
Magar In Se Kahi Barh Kar 
Yehan Wahshi Darindy Hain 
Wo Wehshi Jin Ki Aankhoo Main
Machalty Piyar Kay Peechy 
Hawas O Hirs Hoti Hai
Abhi Khushboo Ki Pari Ho Tum
Abhi Kaanto Se Mat Khailo 
Abhi Apni Hathaili Par 
Kisi Ka Naam Mat Likho 
Abhi Apni Kitaboo Main Gulabi Phool Mat Rakho 
Abhi Sahiro Main Mat Uljho 
Abhi To Umr Baqi Hai 
Abhi Khud Ko Sambhalo Tum
Abhi Mat Gungunaao Tum 
Abhi Se Ishq Mat Socho 
Abhi Sab Bhool Jao Tum